Hasiera

Idoiagagoikoa (-a)

Mota: Etxebizitza
Oharrak: Baserri honen izena Idoiagagoikoa den arren, Ordiziar askok Idoiaga deitzen diote, Idoiagabehekoa baserria Itsasondoko lurretan baitago. Lekuko baten arabera, Idoiagabehekoa baserriaren ondoan erromeriak ospatu ohi ziren garai batean eta inguruetako gazteak bertan biltzen ziren igande arratsaldetan. Bildu ditugun ahozko lekukotasun gehienetan bokal arteko galdu egiten da: Iyoia, Iyoyaga, Ioia, Ioiak, Ioiagoikoa… Idatzizko lekukotasunen kasuan ere, gauza bera gertatzen da XX. mendearen amaierara arte. 90eko hamarkadatik aurrerako lekukotasunetan izenaren jatorrizko forma, Idoiaga, nagusitu da. Idoiagagoikoa baserriko lurrak ziren Aberzuloa, Etxazpia, Largata, Sokono, Soromendia eta Sorotxikia. Horiez gain, Gurutzealdea izeneko bi sail ere bazituen. Baserri honen inguruko lurrek ere baserriaren izena daramate haien osagaien artean. Horren lekuko dira Idoiagaldea edo Idoiagagaina izeneko aurkintza eta Idoiagazpia izenekoa. Izen horiez gain, Idoiagaco muntitondoa, Idoiagaco muntitondo barrena, Iyoyaga aldeco otadie, Idoiagakomutitondoburua, Ioiagaldekotadie, Ioialdekotaria eta Ydoyagaco muntitondo burua, izenak ere bildu ditugu. Gaur egungo euskaldun askorentzat Idoia pertsona izena besterik ez bada ere, badira oraingoz ele hau bizirik duten euskaldunak idoi “ur baltsa” esateko darabiltenak. Izenaren beste osagaiak –aga atzizkia eta goiko posposizioa eta artikulua dira. 90eko hamarkadatik aurrerako lekukotasunetan izenaren jatorrizko forma, Idoiaga, nagusitu da. Idoiagagoikoa baserriko lurrak ziren Aberzuloa, Etxazpia, Largata, Sokono, Soromendia eta Sorotxikia. Horiez gain, Gurutzealdea izeneko bi sail ere bazituen.
Ahozkoa: Idoiaga goikoa (012), Ioia (009), Ioia (011), Ioia (012), Ioia, Ioia goikoa (011), Ioiak (010), Ioiak (011), Ioya (089-33), Ioya (089-33), Iyoya (001), Iyoya goikoa (089-33), Iyoya goikua (089-33), Iyoyaga (001)

• Zure iritzia
• Bidali zure argazkia (1)