Hasiera

Bilaketa

Euskal Herria

Euskal Herria Mota: Kalea
Oharrak: Ordiziako Euskal Herria kalea Txerrikale (gaztelaniaz Calle de los cerdos) izenez ere ezagutzen dute bertakoek asteazkenetan, azoka egunetan, kale horretan egoten baitziren animalia horiek. Toponimo hau XIX. mendetik aurrerako dokumentuetan bildu dugu. Erdi Aroan hiribilduko harresiaren zati bat zegoen gaur egun Euskal Herria kalea dagoen gunean. Euskal Herria izena XVI. mendean ageri da euskaraz lehengo aldiz, Araban eta Iparraldean, Lazarragaren eskuizkribuan eta Leizarragaren Itun Berriaren itzulpenean. Koldo Mitxelenak 1968an euskal grafia bateratzea proposatu zuen arte era desberdinetan izendatu izan da. Juan Perez Lazarraga arabarraren eskuizkribuan (1564-1567) eusquel erria irakur daiteke: … beti çagie laudatu çegaiti doçun eusquel erria aynbat bentajaz dotadu.(f.18) çegayti eusquel errian dira ederr guztioc dotadu. (f. 18 v) çeñetan ditut eçautu eusquel erriau oy nola eben erregue batec pobladu.(f.18 v) Joanes Leizarragak aldiz, heuscal herria terminoa darabil bere Testamentu Berrian (1571): … bat bederac daqui heuscal herrian quasi etche batetic bercera-ere minçatzeco manerán cer differentiá eta diuersitatea den… Gaztelaniaz XIX.mendetik aurrera hasi ziren erabiltzen termino hau, ordurarte, Vasconia izenez ezagutzen baitzen.
Ahozkoa: Calle de los cerdos (017), Calle Euskalerria (017), Calle Euskalerria, Txerrikale
Sinonimoak: Txerrikale

Historikoa

 

URTEA ERA Testuingurua ITURRIA
1863 Euskalerria   TJE
1863 Euskal-errico   TJE
1863 Euskal-herria   TJE
1910 Calle Euskal-Erria   AGG-GAO
2005 Euskalerria Euskalerria kalea KI
2006 Euskalerria   OM
2008 Euskal Herria kalea   SA
2008 Txerri kalea   SA

 

  • Zure iritzia
  • Bidali zure argazkia (1)

© 2010 - Ordiziako Euskara Atala
XHTML | CSS | WAI-A | Lege oharra | Kontaktua
iametza interaktiboak garatuta

gora itzuli