Hasiera

Berroeta

Mota: Aurkintza
Oharrak: Aurkitu dugun lekukotasun zaharrenean, 1584 urtekoa bera, Bizcayberroeta era jaso dugu. Urdaneta kalean, 36. zenbakian izen bereko etxebizitza bat zegoen eta beheko solairuan likore-denda bat. Litekeena da, baso hau etxe hartako jabetzetako bat izatea eta bere jatorrizko izena Berroetabasoa izatea. Toponimo honetan berro (sastraka, sasi) hitzarekin batera, -eta atzizkia ageri zaigu. Atzizki honek bi adiera izan ditzake: ugaritasuna edo, besterik gabe, lekua. Nolanahi ere, bi esanahiak batera ere har ditzake. Ohikoak dira berro hitzarekin osatutako toponimoak: Berrobi, Berrozpe, Berrogain... Horrez gain, Berroeta deitura oso arrunta da Euskal Herrian eta, besteak beste, honako herrietan egon dira izen hori zuten oinetxeak: Bizkaian Zornotzan; Gipuzkoan Donostia, Elduaien, Ezkio-Itxaso eta Ormaiztegin; Lapurdin Hazparne, Itsasu eta Saran; Nafarroan Goizueta eta Iturenen; Nafarroa Beherean Aiherran eta Behauzen eta Zuberoan Gotañen.

• Zure iritzia
• Bidali zure argazkia (1)