Hasiera

Arginsolatsazpia (-a)

Mota: Aurkintza
Oharrak: Eguteran kokatu dugun lur honek iparraldean Gaintzarberekin, mendebaldean Nazalbasorekin, hegoaldean Zanpanbasorekin eta Largatarekin, eta ekialdean Largatarekin egiten du muga. Garai batean bertako haritzak inausten ziren auzolanean eta horrela irakur dezakegu 1759ko dokumentu batean: “Diez y seis reales y doce maravedies que se gastaron en pan y vino en trece y catorce de febrero en auzalan en trasmochar los robledales de Gainzarbe y Arguinzolas” (AGG-GAO, CO HM 11.) Toponimo honen osagaiak (h)argin, zulo eta –lats (erreka) dira. Kokatu ez ditugun arren, Arginsolats leku-izenarekin lotura duten beste toponimo batzuk ere bildu ditugu idatzizko dokumentazioan, hala nola, Arguinsolaz Maiz Audria Gainzarbe bidea; Arguinsolas Maizandrio Gainzarbe bidebea; Arguinzolaz Maizandrio arri illuneco bidebea eta Arricharlas. Toponimo hau bera, Arginsolatsazpia edo Arginsolasbarrena leku-izenen osagai nagusia da. Aurkintza honen kokapen zehatza ez dakigun arren, -azpi eta –barrena atzizkiek adierazten diguten modura, Arginsolats azpian dagoen aurkintza da. Kokatu ez baditugu ere, leku-izen honekin harremana duten beste toponimo batzuk ere jaso ditugu, besteak beste, Arguinzolas Pascual Munteguibarrena; Arguinsolas Pascual muntegui bazterra; Arguinsolas Pasqual Zugazaldea.
Sinonimoak: Arginsolasbarrena

• Zure iritzia
• Bidali zure argazkia