Hasiera

Albitsu

Mota: Etxebizitza
Oharrak: Elizkaleko etxea. Gaur egungo 16. zenbakian dago. Etxe honen lehen lekukotasun idatzia 1573ko dokumentu batean aurkitu dugu. Albitsu izeneko hiru etxeren aipamenak bildu ditugu; horietako bi Lazkaon daude Ordiziako mugatik gertu eta hirugarrena, lehen aipatu dugun moduan Ordiziako herrigunean zegoen. “...quiero que sean y queden la mi cassa y solar de Aluissu de medio con las otras dos casas de Aluisu y con todas las pertenencias...” (AGG-GAO CO ECI 240). Ordiziako herrigunean zegoen etxeari dagokionez, 1751ko abenduaren 16tik 17rako gauean erre egin zen eta sutea itzaltzen lagundu zutenei ogia eta ardoa eman zizkieten. “...se pagaron por el vino y pan que se gastto en la noche y la mañana de los dias diez y seis y diez y siette del dicho mes de diziembre con los hombres que asistieron al incendio de la Casa de Aluisuenea...” (AGG-GAO CO EEJ 1453). Izenaren osagaiak argiak dira, albitz eta -zu ugaritasun atzizkia, edo ziren, gaur egun, nekazaritza mundua desagertzen ari den heinean, albitz-belarra (Brachypodium pinnatum) zein den gero eta jende gutxiagok baitaki. Belar mota gogorra eta latza da eta utzitako belardietan ageri da txilarra edota otea ageri baino lehenago.

• Zure iritzia
• Bidali zure argazkia