Hasiera

Kanposantua (-a)

Mota: Erlijio eraikuntza
Oharrak:

San Joan auzoan dago. Hasiera batean elizan bertan lurperatzen zituzten hildakoak. 1806an, berriz, San Bartolome ermita ingurura lekualdatu zituzten ehorzketak. Izan ere, Espainiako Karlos III.ak eta Karlos IV.ak hilerriak hirigunetik kanpo eraikitzeko agindu baitzuten. Azkenik, 1886an, leku faltagatik eta osasun eta higiene arrazoiengatik, gaur egun ezagutzen dugun hilerria inauguratu zuten. XVI. mendean Andre Marian egiten ari ziren lanen ondorioz, parrokia pobretu egin omen zen. Hori zela eta, herritarrek hilobiak erosi behar zituztela erabaki zuten. Eta, lanak amaitu bitartean, hobiak inor lurperatzeko irekitzen zirenero, kopuru bat ordaindu behar izaten zuten. Biztanleriaren hazkundearekin hilobi haiek elizateraino hedatu ziren. Zimiterio hartan zegoen San Pedroren kapera, gerora bataiarri bihurtu zutena. 1882an, Domingo de Goitiaren nahiei jarraituz, bere seme Francisco Goitiak hilerria eraikitzeko proiektua aurkeztu zion Udalari. Kanposantu berria Altutxo edo Beleniturrialdea deritzon lekuan eraiki nahi zuen. Goitia bera arduratu zen gastu guztiez, hilobienaz izan ezik, eta baldintza hauek ezarri zituen: hilerriko sarreran aitaren omenez plaka bat jartzea eta Goitia familiaren panteoia eraikitzeko leku bat gordetzea. Segituan onartu zuen Udalak proiektua eta beren esker ona erakusteko, Goitia kalea izena eman zioten Alondegi kalea izan behar zuenari. 1886ko urriaren 25ean bedeinkatu zuten hilerri berria eta Goitia kalea ere orduan inauguratu zuten. Azaroan hilobiratu zuten lehenengo gorpua (77 urteko Ana Antonia Garate Ibarguren) eta 1894an San Bartolomeko kanposantuan zeuden gorpuak hilerri berrira eraman zituzten. Kanposantualdeko soroa (-a) eta Kanposantuondoa (-a) toponimoak ere bildu ditugu. Leku-izen hauek Kanposantuaren inguruko soroak direla adierazten dute. Hala ere, ez dugu soro hauen kokapen zehatza ezagutzen.

Ahozkoa: Kanposantua (089-41), Kanposantua (016)
Kokapena kartografian: D4

 

URTEA	ERA	Testuingurua	ITURRIA
	Kanposantua		GFA
1859	Camposanto	...para distribuir entre los canteros y peones que se ocuparon en la composicion de la calle de Santa Maria y el camino del campo santo ..	AGG-GAO
1863	Cementerio		TJE
1878	Campo Santo	...sea sepultado en el Campo Santo de esta villa o del pueblo en que falleciere...	OUA
1887	Camposanto	Inventario de efectos del camposanto...	OUA
1887	Campo Santo	Inventario de los efectos existentes en el campo santo de esta villa correspondientes al municipio	OUA
1956	Cementerio		OUA
1972	Campo Santo	A las dos de la mañana del inmediato se presentó el sitiador en la parte del Campo Santo...	DHGD
1983	Campo Santo	No sabemos qué razones movieron al Ayuntamiento á la elección de aquel terreno para instalar en él el Campo Santo.	OMH
1989	Kanposantualdea		ETM
1992	Kanposantua		Deiker
1993	Kanposantua	Cementerio/Kanposantua	HPS
1993	Cementerio	Kanposantua	HPS
1993	Kanposantua		HPS
2005	Hilerria		KI
2006	Hilerria		OM
2007	Hilerria		EJM
2007	Cementerio	la construcción del Cementerio a finales del siglo XIX	SA
2007	Campo Santo	el centro del nuevo Campo Santo, donde hoy todavía podemos contemplar sus hermosas y olvidadas tallas erosionadas por el tiempo	SA

 

• Zure iritzia
• Bidali zure argazkia